ஐந்தாம் ஆண்டு அனைத்து  உறுப்பினர்கள் கூட்டம்

RTP தமிழ் கத்தோலிக்கச் சங்கத்தின்  ஐந்தாம் ஆண்டு அனைத்து  உறுப்பினர்களின் கூட்டம் பிப்ரவரி மாதம் 27-ம் தேதி சனிக்கிழமை மாலை 6 மணிக்குத் தொடங்கி இரவு 8 மாணிக்கு நிறைவுப் பெற்றது.  COVID  சூழ்நிலைக்  காரணமாக நிகழ்ச்சி virtual-ஆக  நடைப் பெற்றது.

நிகழ்ச்சியை திருமதி. ராஜி அவர்கள் செபத்துடன் தொடங்கி வைத்தார். திரு. பிரான்சிஸ் அவர்கள் அனைவரையும் வரவேற்றுப் பேசினார். திருமதி. சுஜா அவர்கள் 2020-ல் நடந்த நிகழ்வுகளை தொகுத்து வழங்கினார். திரு. ஜோசப் அவர்கள் நிதி அறிக்கையை வெளியிட்டுப்  பேசினார். திரு. லாசர் அவர்கள் 2021-ல் நடக்கப் போகும் நிகழ்வுகளை தொகுத்து வழங்கினார். அதற்க்கு அடுத்து, உறுப்பினர்களின் கேள்விகளுக்கு பதில் அளிக்கப் பட்டது. பிறகு திரு. சவேரியார் அவர்கள், 2021- செயற்குழுவில் ல்  பணியாற்றிய திருமதி. ராஜி, திருமதி. சுஜா, திருமதி. அனித்தா அவர்களை பாராட்டி, அவர்களுக்கு பாராட்டு  பத்திரத்தை அளித்தார்.  அடுத்த நிகழ்வாக, திரு. அந்தோணி அவர்கள் 2021 செயற்குழு உறுப்பினர்களை அறிமுகப் படுத்தினார்.

2021 செயற்குழு உறுப்பினர்கள்

திரு. ஜெயராஜ் அந்தோணி – தலைவர்
திரு. ஜோசப் பிரேம் ஆனந்த் – உபத் தலைவர்
திரு. விஜய் லாரன்ஸ் – செயலர்
திரு. பிரான்சிஸ் ஆல்பர்ட் – பொருளாளர்
திரு. பவுல் சவரியப்பன் – இயக்குனர்
திரு. சூசை சவரிமுத்து – இயக்குனர்
திரு. சவேரியார் இன்னாசிமுத்து – இயக்குனர்

நிதி  கையாளும் குழு

திரு. பிரான்சிஸ் ஆல்பர்ட்(குழுத் தலைவர் )
திரு. பவுல் சவரியப்பன் ( உறுப்பினர்),
திரு. லாசர் அருள்நாயகம் ( உறுப்பினர்)

புதிய தலைவர் திரு. அந்தோணி தலைவர் உரை நிகழ்த்தினார். இறுதியாக திரு. சவேரியார் அவர்கள் நன்றிக் கூற, நிகழ்ச்சி இனிதே முடிந்தது.

இந்த 2020 எல்லோருக்கும் ஒரு சவாலாக அமைந்த வருடம். இந்த கடினமான வருடத்தில் நிகழ்ந்த நிகழ்வுகளை, தொகுத்து வழங்கியுள்ளோம். இதை முன்னெடுத்து நிறைவேற்றிய அந்தோணி அவர்களுக்கு பாராட்டுகள். இந்த நிகழ்வுகளில் பங்கேற்ற அனைவருக்கும் நன்றிகளும், வாழ்த்துக்களும்.உங்கள் ஒய்வு நேரத்தில் இதை படித்து இன்புற அன்புடன் அழைக்கிறோம்.

RTPTCA invites you to join our monthly virtual mass.

Starting in April 2020, RTPTCA transitioned from mass at Lourdes Matha Church to virtual mass via Google Meet due to COVID-19 restrictions.

Mass is celebrated on the third Sunday of every month at 6:00. Fr. Rex Lumin, Fr. Peter, Fr. Tensing, and Fr. Loyola have celebrated our masses in the last three months.

ஆக்கம் : ராஜி ஆதர்ஷ்

பிரிந்த மனங்களை செபம் இணைத்தது

ஆம், COVID-19 புதிய நச்சுக்கிருமியின் பிடியில் உலகமே சிக்கி தவிக்கின்ற இந்த நேரத்தில் ,அனைவரும் கூண்டு கிளிகளாய் மனைகளிலே அடைபட்டோம். கலங்கியது மனம், பதறியது உள்ளம் – இறைவா, நாம் இந்த வீட்டு சிறையில் சிக்கி இயல்பு வாழ்க்கையை இழந்து விடுவோமோ? ஆண்டவரை ஆலயத்தில் சென்று ஆராதிக்க இயலாமல் போய்விடுமோ? நம் நண்பர்களை சந்திக்கவே இயலாதா? பிள்ளைகள் பள்ளி கூடங்களுக்கு செல்லவே இயலாதா? நாம் அலுவலகங்களுக்கு, பணி இடங்களுக்கு செல்லாமலே இப்படியே கட்டுண்டுவிடுவோமோ? ஆண்டவன் படைத்த அழகிய உலகை காண முடியாதோ? அதை அனுபவிக்க இயலாதோ? என வெதும்பி போன நம் உள்ளங்களுக்கு ஒரே ஆறுதல் நம்முடைய தினசரி செப கூட்டம்.

தொழில் நுட்பத்தின் உதவியால் நாம் அனைவரும் இணைந்தோம். முதல் முறையாக மனம் முழு நன்றி தெரிவித்தது இந்த தொழில்நுட்பத்திற்கு. எந்த ஒரு புது முயற்சிக்கும், வெற்றிக்கும் ஒரு நல்ல தொடக்கம் மிகவும் அவசியம். இந்த நச்சுகிருமி நம் சந்திப்பை, நம் விருதோம்பல்களை தடுத்திருக்கலாம், ஆனால் நம் இறை பக்தியையும் இறை நம்பிக்கையும் தடுக்கவோ தகற்கவோ இயலாது.

RTPTCA உறுப்பினர்களின் முயற்சியால் அனைத்து குடும்பங்களின் தினசரி செபக் கூட்டம் நிகழ்நிலை அழைப்பின் வாயிலாக [Online, virtual] தொழில்நுட்ப உதவியுடன் நம் அனைவரையும் இணைத்தது. தினம் மாலை 6:30 மணியளவில் அனைவரும் நிகழ்வலை அழைப்பில் இணைந்து இறைவனை வணங்கி துதி பாடுகின்றோம். பதினைந்துக்கும் மேற்பட்ட குடும்பங்களை இணைத்தது இந்த பிரார்த்தனை கூட்டம். இறைவனை நம்பி ஓன்று கேட்டால் அதை அவர் கொடுப்பார், அதையே கூட்டமாக சேர்ந்து கோரினால், அதை நிச்சயமாக கொடுப்பார்.

இந்த தினசரி பிரார்த்தனை நாட்களில் ஜெபமாலை ஜெபித்து  இறைவனிடம் மன்றாடி வேண்டி கொண்டதெல்லாம் ஒன்றே ஓன்று தான், இந்த கொடிய Covid-19 நச்சு கிருமியை விரைவில் தடுத்து நிறுத்தவும், அதன் பிடியில் இருந்து நம் பூவுலகை மீட்டு எடுக்கவும் தான். செபம் மற்றும் பாடல்கள் என அனைத்திலும், அனைத்து குடும்பங்களிலும் இருந்து ,குழந்தைகள், பிள்ளைகள், தாய், தந்தை என அனைவரும் மகிழிச்சியுடனும், ஆர்வத்துடனும் பங்கேற்கின்றனர்.

தினமும், மனமானது மாலை 6:30 மணியை தேடி காத்திருக்கின்றது. ஒவ்வொரு புதன் கிழமை தோறும் சிறு குழந்தைகள் அவர்களின் மழலை மொழியில் இறைவனை புகழ்ந்துப் பாடுவதும், பிரார்த்தனை செய்வதும் கேட்பவர் செவிகளுக்கு இன்ப விருந்து. சனி கிழமைகளில் பள்ளி மற்றும் கல்லூரி பிள்ளைகள் ஒன்றாக இணைந்து ஜெபமாலை செய்கின்றனர், ஒவ்வொரு குடும்பங்களும் தலைமை ஏற்று ஜெபமாலையை செவ்வனே செய்து வருகின்றனர்.

இந்த முயற்சியில் நம் குடும்பங்கள் மட்டுமில்லாது அருள் தந்தை  ஞானப்பிரகாசம் மற்றும் அவரது நண்பர்  அருள் தந்தை அருள் அவர்களும் நிகழ்வலை தொடர்பில் இணைந்து நமக்கு அருள்வாக்கு மற்றும் தேவ சிந்தனைகளை சிறப்பாக பகிர்ந்தனர். தேவாலயத்திற்கு நேரடியாக சென்று இறைவனை தொழ இயலாத சூழ்நிலையில் குருவானவர்கள் நம்மிடையே இணைந்து கூறிய தேவ வார்த்தைகள் நம் மனங்களை ஆறுதல் படுத்தியது. இறைவனை ஆராதிக்கும் இந்த ஜெபமாலை பயணம் இன்னும் தொடர்கிறது …

RTPTCA family is continuing to grow in faith during the COVID-19 pandemic by praying daily rosaries through Google Meet. Join us in our virtual prayer daily at 6:30pm as we pray the rosary.